Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Nêrazîbîyişê verva talanê Çimeyanê Mûnzûrî dewam kenê

 

Dewleta talanê xo yê xozaya Kurdistanî, Geleyê Zîlanî ra heta Koyanê Botanî û heta Dersime talan û texrîbkerdişê xoza domnena.

Nêrazîbîyişê verva talanê Çimeyanê Mûnzûrî dewam kenê.

Temsîlkaranê Sazîyê Elewîyan do bi walîyê Dersime reyde pêdîyiş pêk bîyarê û şande zî Parka Seyît Rizayî de eşkerayîyêka çapemenîye bidê.

Talan û texrîbkerdişê xozaya Kurdistanî yê faşîzmê dewleta tirke dewam keno.

Dêrsime ra heta Geleyê Zîlanî, Koyanê Amede ra heta Gabar, Cûdî û Besta xoza yena texrîbkerdene.

Bi sebebê projeyê talankerdişê Çimeyanê Mûnzûrî nêrazîbîyişê şarê Dersime û sazîyanê Elewîyan dewam kenê.

Temsîlkaranê Sazîyanê Elewîyan di no derheq de, medîyaya civatî ser ra vîdeoyêke bi raya pêroyî reyde barre kerd.

Di vîdeode yano vatiş;Wazenê Çimeyanê Mûnzûrî bikerê cayê talan û rantî.

No proje êrîşê verva hafizaya civatî û bawrîya civatê Elewî û Qizilbajan o.

Bi projeyanê HES’an wazenê awa Mûnzûrî çinê ziwa bikerê.

Bi awayêko sîstematîk xozaya ma bi rihberanêy ke mîyan de veşnenê.
Ma elewî, ma do verva nêy talanê verva xoza, çand û îtîqadê xo, bi her awayî tekoşîne berz bikerê.

Di na çarçova de do ewro Temsîlkarê Sazîyanê Elewîyan bi walîyê Dersime reyde pêdîyişêke pêk bîyarê.

Reyna do ewro seba Çimeyanê Mûnzûrî aşûre zî bêro vilakerdene.

Şande seete 6:30 de zî Federasîyona Komeleyanê Elewîyan, Federasîyona Bektaşî Elewîyan, Federasîyona Weqfa Elewîya û Komeleya Pîr Sûltan Abdalî zî mîyan de, do sazî û komeleyê Elewîyan, Parka Seyîd Rizayî de verva êrîş û talanî, eşkerayîyêka çapemenîye bidê.

Perro bîn de, Îzmîr de zî Yewîtîya Hêza Elewîyan ya Bornova verva projeyê talanî yê Çimeyanê Mûnzûrî eşkerayîyêka çapemenîye ro dar viste.

Eşkerayî verê Komeleya Elewîyan ya Bornova de amî kerdene.

Seroka Komeleya Gamze Bariş Çelîke eşkerayî wende û nêy vatîy.

Projeyê Çimeyanê Mûnzûrî êrîşê verva xoza,çand, ziwan û îttîqadê Dersime yê.

No proje projeyêko teber hiqûqî yo û gere gamêke raver bêro vindarnayene.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv