Tifaqa partîy û sazîyanê Vakurê Kurdistanî bi wesîlela Alozîya Vaşûrê Kurdistanî eşkerayîyêka nuştekî da..
Tifaqa Kurdistanî rêbaza dîyalogî zey raharê çareserîye nawite..
Komxebata Tifaqa Kurdistanî derheqê alozîya Vaşûrê Kurdistanî de eşkerayîyêka nuştekî da.
Eşkerayîya nuştekî ya Komxebata Tifaqa Kurdistanî una ya:
Şarê Kurdî bi se serano,ser erdnîgarîya xo ra bi desan dorî raştê komkiştî yeno û bi koçberîyê ribi ri maneno. Heta eyro şarê Kurdî erdê welatê xo de gelêk bedele pîlî dayê..Bi tekoşîna xo ya tarîxî her rey,dorêka bîne warişto lingan ser. Şarê Kurdistanî semedê Vaşûrê Kurdistanî serxwebune û semedê Rojava zî statuyêko fermî wazeno..
Tekoşîna rojdema azadî û serxwebûna Kurdan de, ma bi xemgînî û bi şik vînenê tay welatê îşgalkerî,hewldanê provakatîfan şixulnenê û wazenê maberê partîyanê Kurdan de dişmentî awan bikerê. Nifaqa maberê partîy û quwetê Kurdan de menfîetê îşgalkeran estê.
Rojdema tekoşîna azdîy û serxwebûna Netewa Kurd, di astêka hesas ro derbas bena. Heman wextî de gelêk fersendî zî xo der awan kerdê..Eger partîy û rayvistinê Kurdan,persgerîyê xo nêdê kiştiş,do nêeşkenê biresê armancanê xo.. Persgerîyê maberê partîyê Kurdan bê pêrodayişî gere bêrê çareser kerdiş.
Eşkerayîya Tifaqa Kurdistanî una bedewam kena:
Lazimo vernî de partîyê sîyasî yê Kurdan hewldanê îşgalkeran baş bivînê. Persgerîyê xo mîyanê,bi raya dîyaloge çareser bikerê. Gere partîy û sazîyê Kurdistanî menfeetê Kurdan bi pawê. Adres û raharê pawitişê heqê Kurdan,yewîtîya Neteweyîya.. Roj roja yewîtîya şarê Kurdî ya. Roj Roja Yewîtîya Neteweyîya. Ma veng ro heme partîy û sazîyanê Kurdan kenê û ma vanê,Lazimo Partîy û rayvistinê şarê ma,bi rêbaze dîyalogî raharê çereserîye awan bikerê.
