Na siba bi telîmatê Serdozgerê Seraye Yuksel Kocamanî, verva HDP, çarçovaya ” Cipersayişê Kobanê” de, operasîyonêkê qirkerdişê sîyasî pêk ame.
Di operasîyon de 7 bajaran de qerarê binçimkerdişê 82 kesan ame dayiş.
Şaredar û Parlamenterîy zî mîyan de xeylê kesîy amey binçimkerdene.
Na siba verva HDP, bi telîmatê Serdozgerê Saraye Yuksel Kocamanî, Operasîyonê Qirkerdişê sîyasî pêk ame.
Operasîyon di çarçovaya Cipersayişê Qewemîyayişanê Kobanê yê 5 û 8’ê Citmenge yê Kobanê de bi.
Di operasîyono ke 7 bajarîy girotê xo mîyan de derheqê binçimkerdişê 82 kesan est bi.
Polîsanê Erdoganî di çarçoveya operasîyonî de Hemşaredarê Qerse Ayhan Bîlgen Endamê RTUK’î yê HDP Alî Urkut, Endamê Komîsyona
Karanê Teberî Nazmî Gur, Endamê Desteya Rayirbere yo verên Can Memîş,
Parlamenterê HDP yo verên yê Enqera Sirri Sureyya Onder û Parlamentero verên yê HDP Altan Tan zî mîyan de 24 Kesîy amey binçimkerdene û hûmare seet bi seete zêdîyena.
Di heman çarçova de polîsan na siba eşt keyeyê Rocnamewan Zeynep Kuraye zî ser la seba ke keye de nêbî nîyamî binçimkerdene.
Reyna di çarçoveya ney operasîyonî de Stembole de zî Pawitox Tamer Dogan û Ozen Kulaçoglû zî mîyan de xeylê kesîy amey binçimkerdiş.
No cipersayişo ke na ra 6 serrîy raver pêk amebîy de di serre de Selahattîn Demîrtaş xeylê kesan berat kerdbi.
Reyna Hemşaredarê Qerse Ayhan Bîlgenî bi sebebo ke na doze ra ceza girotebî dewlete ra tazmînat girewt.
Balkêş o , No Operasîyon bado ke Serdozger Yuksel Kocaman veyveyê xo kerd û bi veyve reyde şi Zîyarete Erdoganî, ra ame destpêkerdene.
Nêy Serdozgerê Saraye Yuksel Kocamanî, bi sebebê ney cipersayişî ceza ro
Hemserokê HDP Selahattîn Demîrtaşî û Fîgen Yuksekdage zî birrnabî.
La Demîrtaşî doze ra berat kerdbi û bi merîfetê heman serdozgerî doza didiyine amebî akerdene.
Di doza didiyine de reyna qerarê tepiştişî dabi Demîrtaşî.
https://mezopotamyaajansi.com/tum-haberler/content/view/110522
Rayvistina HDP ya Stembole bi sebebê perotestokerdişê operasîyonê Qirkerdişê Sîyasî do seetanê Şanî de, Kadikoya Stembole de çalakîyêke ro dar bifîno.
Rayvistina Stembole vengdanê tewerbîyişê çalakîya protestoyî kerd.
Reyna do seete 6’û nîma şanî, verê awanîya HDP ya Stembole de zî bi tewerbîyişê Hemserokanê bajarê Elîf Bûlut û Erdal Avciyî, operasîyon bi eşkerayîyêka çapemenîye bêro protestokerdene.
Hemserokan vat;
Polîtîkayanê HDP, îqtîdar visto mîyanê rewşêka xiarabe. No operasîyon bi sebebê nêy polîtîkayan ame destpêkerdene la nêşikenê ma bêveng bikerê û vengdanê tewerbîyişê eşkerayîye kerd.
