Faşîzmê AKP-MHP, Tecrîdê Îmralî îmralî giran keno.
Tewir peynî eşkera bi ke, seba Rayver Apoyî û giroteyanê bînan êy Îmralî, hetê dadgerîya Înfazî ya 2’ine ya Bûrsa ra 6 aşmîy qedexeyê pêdîyişê bi pawitoxan reyde ameyo dayiş.
Parlamenteranê HDP derheqê nêy qerarî û tecrîdê Îmralî de persnamey day wezîrê Edaletî.
Faşîzmê dewleta tirek di çarçovaya şerrê verva Kurdan de tecrîdê Îmralî zî roc bi roce giran keno.
Tewir peynî eşkera bi ke, seba Rayver Apoyî û giroteyanê bînan 6 aşmîy qedexeyê pêdîyişê bi pawitoxan reyde, ameyo dayene.
Parlamenteranê HDP Remzîye Tosûne û Feleknas Ûca, seba cewabdayişê wezîrê edaletî, persnamey day serokatîya meclîse.
Parlamenteran pergala tecrîdî ke, roca verêne ra heta ewro verva Rayver Ocalanî dewam kena viste vîrî û nêy ardîy ziwan.
Îmralî de pergalêka temamî bi keyfî yena rayirberdene.
Tu normêkê hiqûqî zerreyî û gerdûnî, nîno nîno bicaardene. Heqê her kesî bi peymanê mîyanetewîyan di bin ewleyîya hiqûqê gerdûnî de yê.
La Îmralî de kingêke dewlete biwazo, pêdîyişî pêk yenê.Serre û nîmeyo ke Birêz Ocalan bi pawitoxanê xo reyde pêdîyiş pêk nîyano.
Parlamenteran raporê CPT û tespîtêy ke ameyê kerdiş vistîy vîrî.
Parlamenter Remzîye Tosûne wezîrê edaletî ra, nêy persay;
Sebebê ney tecrîdî çi yê?.
Nêy qedexeyê pêdîyişê bi pawitoxan û malbate reyde bi goreyê kamco qanûn û hiqûqî yenê pêkardene?.
Tespîtêy CPT ver çiman de yenê girotiş yan nê?.
Do hewldanêkê şima yo seba bipeynîkerdişê ney tecrîdî bibo yan nê?.
Parlamentera HDP Feleknas Ûcaye zî di persnameya xo de nêy persîy kerdîy.
Qerarê qedexeyê 6 aşman yo bi pawitoxan reyde, bi çi sebebî ameyo dayene?
Cîyakarî û tecrîdê Îmralî yo verva Birêz Ocalanî, bi goreyê normanê kamco hiqûqî yo.
Gelo xebatêka şima ya bipeynîkerdişê na pergale û bi goreyê normanê hiqûqê mîyanetewî têgêrayişî est a, yan nê?
