Nêrazîbîyişê verva peymana maberê PDK û hikumatê Bexda êy derheqê Şengale de dewam kenê.
Şarê Şengale vat;her bincewa Şengale bi gunîya ciwananê Şengale ameya xelesnayiş û ma bi tu peymanêka bê îradeyê Şengalijan qebûl nêkenê.
Nêrazîbîyişê verva peymana maberê Hikumatanê Hewlêre û Bexda dewam kenê.
Şarê Şengale derheqê mijare de vat.
Her bincewa axa Şengale bi gunîya ciwanan, ameya xelesnayiş.
Ma tu peymanêka bêîradeyê Şarê Şengale qebûl nêkenê.
Cînîya bi nameyê Naîm Bedele wina vana.
Gama ke şarê ma ameyê qetilkerdiş, cînî û domanê ma ameyê remnayiş û di bazaran de ameyê rotiş hikumatê Hewlêre û Bexda kam cayî de bîy.
Hêzê ma êy pawitişî est ê. YBŞ û YJŞ ma pawenê. Êdî kes nêşikeno derheqê ma de qeraran bigero.
Axa Şengale ke bi gunîya, ameya xelesnayiş, êdî ma nêverdene, na axe bêro qilêrinkerdene.
Cînîya bi nameyê Jînda Şengale wina vana.
Înan êy ke Şengale bi qetlîam û fermanan reyde ribiri verda, ewro derheqê ameyîya ma de qeraran danê. Verîya ke naye bikerê, gere îxanetê xo yê verva Şengale qebûl bikerê û uzrê xo biwazê. Ma bi saya gunîya şehîdan, ewro îtîya yê. Di serre de Mam Zekî Şengalî, Heval Zerdeşt û Heval Egîd, ma do rayira şehîdanê xo, ke na axe bi gunîya xo xelesna, bişopnê.
Welatijê bi nameyê Xwedêda Elyasî zî nêy ardîy ziwan.
Wazenê fermanê 2014′ dorêke bîne pêk bîyarê. Şaro Êzîdî êdî wayir hêze û îradeyî yo.
6 serrîy o PDK û hikumatê Bexda seba Şarê Êzîdî tu çîyêke nêkerd.Seba na axe ma gunîye rişna. Êdî ma bi tu awayî destûr nêdanê planê qilêrinan.
Dawid Silêman zî nînan vano.
Ma tu planêka bêîradeyê Şarê Şengale qebûl nêkenê. Ma heta nika bêrayvistin bîy, sîyasetî ra fehm nêkerdê.
Bi saya serreyê Gêrîllayan, ma naye mûsay û birayvistin bîy. Heke do qerarêke bêro girotiş, gere bi îradeyê Şarê Şengle bo.
Welatiş Seydo Elî zî wina vat:
Înan êy ke na peymane viraşta ro Şarê Şengale îxanet kerd. Şengale û şarê Şengale rotîy. Ma êdî teberî ra tu hêzêke nêwazenê. Ma xo bixo pawenê. Wa kes nameyê ma sero, hesaban nêkero.
