Êrîş û hovîtîya dewleta tirke ya verva Şarê Kurdî dewam kena.
4 rojnamewanêy ke hovîtîya dewleta tirke ya Çataxa Wanî resna raya pêroyî, amey binçikerdene.
Polîsanê Faşîzmê AKP-MHP na Wan de eşt awanîya Ajansa Mezopotamîya û keyeyanê rojnamewanan ser.
Polîsan Buroya Ajansa Mezopotamîya de cigêrayiş pêk ard.
Cigêrayişê polîsan 3 seetîy dewam kerd.
Di cisereştişê polîsan de, muxabirê Ajansa Mezopotamîya Adnan Bîlen Cemîl Ûgûr, reyna muxabirê Jinnewse Şehrîban Abî û rocnamewane
Nazan Sala,amey binçimkerdene.
Reyna polîsan kamera, makîneyê wêneyan, kompîtur û melzemeyê teknîkî êy rocnamewanan zî desteser kerdîy.
Polîsan rocnamewanîy berdîy midûrîyeta polîsan ya wanî.
Di heman wextî de 24 seetîy qedexeyê pêdîyişê bi pawitoxan reyde zî ame dayiş.
Polîsan heman seetan de eşt keyeyê vilakera verîne ya Rojnameya Yenî Yaşame, Şukran Erdeme zî ser û binçim kerde.
Sebeê binçimkerdişê Şukran Erdeme nîyame zanayene.
Artêşa dewleta tirke ya îşgalkere 11’ê Îlone eşt dewa Şaxe ya Çataxa Wanî ser.
Eskeran dewicêy bi nameyê Servet Turgut û Osman Şîbanî binçim kerdîy û verê çimanê dewican bi helîkopter hereme ra berdîy.
Badê 2 rocan Servet Turgut û Osman şîba beşa lezîne ya nêweşxaneyî de koma de amey dîyiş.
Eşkera bi ke badê îşkenceyêkê hovî, Servet Turgut û Osman Şîba hetê eskeranê artêşa tirke ra helîkopterî ra ameyê eştiş.
Servet Turguto bayê 7 domanan, badê 20 rocan cuwîyeyê xo vînî kerd.
Osman Şîban zî heme nêweşxane de yo û nîyameyo heşê xo ser.
Rocnamewanan na hovîtîya faşîzmê dewleta tirke bi dîmenan resna raya pêroyî.
La dewleta faşîste di no derbar de tu cipersayişêke nêkerd û walîyê wanî zî bi eşkerayîyanê xo êy zûran waşt hovîtîye bincil bikero.
Bi ney cesaretê cinêpersayiş û bêcezayîye polîsan ewro zî rojnamewanêy ke na hovîtîye, resna raya pêroyî amey binçimkerdene.
Seba ke heyfa eşkerabîyişê na hovîtîya xo ewro zî rojnamewanîy amey binçimkerdene.
