Servet Turgut û Osman Şîba ke hetê eskeran ra ambî girotiş û helîkopterî ra amebî eştişî di nêweşxane de yê.
Pawitoxanê Servet Turgut û Osman Şîbanî derheqê verpersîyar û eskeranêy ke îşkence kerdo de, serre ro serdozgerîye da.
Şarçeya Şaxe ya Wanî de, eskeran 11’ê Îlone 2 dewicêy bi nameyanê Servet Turgut û Osman Şîbanî, binçim kerdîy.
Badê 2 rocan dewicêy ke amebîy binçimkerdiş, beşa lezîne ya nêweşxaneyî de amey dîyiş.
Bi sebebê îşkenceyî rewşa dewican xiraba û yeno vatiş ke, rewşa Osman Şîbayî zafêrî girana û nêweşxaneyê Zanîngehe yê Wanî de yeno
girotene.
Malbatanê Turgut û Şîbayî, serre ro Komîsyona Îxlalkerdişê Heqan ya Baroya Wanî da.
Pawitoxanê malbatan derheqê esker û verpersîyaran de, serre ro dozgerîya Wanî da.
Di serreperodayiş de nêy amey vatiş.
Eskerêy ke a roce ameyê dewe, dewicîy meydanê dewe de kom kerdê, ro dewican heqaret kerdo û 2 dewicîy derrb kerdê.
Reyna verpersîyarêkê eskeran, tim dewican ra vato, decê ma est o.
Ma do ney decî û na kîna xo şima ra vecê. Ma do dewa şima biveşnê.
Ke dewican verva binçimkerdişê didi kesan nêrazîbîyiş nîşan dayo zî, hetê eskeran ra bi gulevarankerdiş ameyê tehdîtkerdene.
Dewicîy şadeyê ke Servet Turgut û Osman Şîba, hetê eskeran ra ameyê binçimkerdiş û bi helîkopter dewe ra ameyê berdiş.
Nêy kesêy ke hetê eskeran ra ameyê binçimkerdiş û berdiş, roca hîrine beşa lezîne ya nêweşxaneyî de ameyê dîyiş.
Nêy kesan îşkenceyêko pîl dîyo.
No îşkence di rapor û rewşa înan ya nêweşxaneyî de zî dîyar a.
Pawitoxan di serreperodayişê xo de vat;
Ma derheqê eskeranêy ke di Operasîyonê ” Yildirim 10-Nordozî” de ca girewto û eskeranêy ke nêy 2 dewicîy binçim kerdê de, dewadar ê.
