Goreyê zanayişan ra 600 cira bi giranî nizdîyê 1600 tepiştey zîndanan de nêweşê.
Rayirberê MED TUAHD-FED Salîh Tekîn vano,heta kû tepişteyê nêweşî nînê verê mergî serbest nînê veradayiş.
Heta nika bi desan tepişteyê nêweşî ameyê veradayiş û badê rocêk cuwîyeya xo vinî kerdê..
Salîh Tekînî wina vat;
Bi seyan tepiştey bi giranî nêweşê.. Edlî Tipe rapor dana û vana,nê tepiştey bi tena sereyê xo û zîndan de nêeşkenê bi manê.
La vera heme raporanê Edlî Tipe dewlete tepişetyanê nêweşan serbest nêverdena.. Dewlete bi zîhnîyetê heyfgirewtişî tê geyrena.
Dewlete Vana wa nê tepiştey dec kaşkê û wa bimrê. Dewlete gere meseleya tepişteyanê nêweşan teberê sîyasetî ra bivîno.
Rayirberê TUHAD-FED Salîh Tekînî bale ante polîtîkaya Dewlete ya verva tepişteyanê nêweşan ser û vat;
Heta nika bi desan tepiştey,heta kê nêresay asta mergî nêamey veradayiş.
Bi desan tepiştey amey veradayiş û rocêk badî zî şehîd kewtîy.
Yanî dewlete hewnêna raporê doktoran ra û qerarê veradayiî dana.
Dewlete nêwazena tepişteyê nêweşî weş bibê. Dewlete paweyê mergê tepişteyan vindena û bi na gorera tepişteyanê nêweşan verdena..
Salîh Tekînî vengro Komeleyanê Hiquqî û şarî kerd û vat;
Bi seyan tepişteyê ke nêweşîya înan girana û verê mergî de yê zîndanan de manenê.
Lazimo heme Komeleyê Hiquqî û civata Demokratîke bi hîşyarî tê bigeyrê.
Meseleya tepişteyanê nêweşan heme hetîra însanî û hesasa. Lazimo civata ke heqê însanan pawena bikewo mîyanê hereketî..
