Faşîzmê AKP-MHP verva zindanan polîtîkayê taybetî rayira benê.
Tepişteyê nêweşî seba dermankerdişî çîyêk nêkenê.
Tepişteyanê nêweşan ra yew Rojbîn Çetîn a.
Rojbîne nêweşa penceşêra û nîna dermankerdene.
Rewşa aye roc bi roc giranêr bena.
Polîsane dewleta tirk ya îşgalker, 27’ê Hezîrane de êştbîy keyê Rojbîn Çetîne ser û bi îşkance aye girewtê binçiman.
Polîsî bi kutikî reyde 3 saetîy îşkence pêk ardîbîy.
Îşkenceya ke Rojbîn Çetîne sero ame kerdene hama zî vîra merdiman de yo.
Rojbîne nika zindana Mêrdîn Tîpa E de yena tepiştiş û nêweşa penceşêra malzarê ya.
Tewrê nêweşîya xo ya giran, zindanî de xo ver dana.
Bi goreye zanayîşan ke ameye bidest vistene:
Nêweşîya Rojbîne roc bi roce giran bena û şert û mercê zindanî zî tesîreke nêbaşe ro weşîya aye kenê.
Ame zanayene ke, Rojbîne nêeşkena lazimîyanê xo êy rojane pêk bîyara.
Bi sebebê nêweşîya xo nêeşkena her werdene bora û seba aye werdeneyê taybet lazimê.
La hetê îdareyê zindanî ra nêdîyenê û aye nêşirawenê nêweşxane zî.
Tepişteyê bînan zî verva na rewşa nêrazîbîyîş nawnenê.
Malbata Rojbîn Çetîne pêdêyîşêk ra dima vengdayîşek kerdî û vatî:
“Ma wazenê wa persgirayê weşîye ey Rojbîne tafilî bêrê çareserkerdiş.
Seba naye zî ma veng ro heme kesî kenê ke bi hestîyarî têbigeyrê.”
