Zîndanê Tîpa F ya Wanî de tepiştey verva zilm û îşkenceyê îdareyê zîndanê çalakîy de yê..
Çalakîya tepişteyan 14’ê Îlonî ra na hete bi dor û bi açarnayî dewam kena..
Zîndanê Tîpa F ya Wanî de tepişteyê sîyasî verva binlingkerdişê heqanê merdiman û îşkenceyê îdareyê dewleta Tirke bi çalakîya grevê veyşanî xoverdanê..
Komêk Tepişteyan 14’ê Îlonî de dest bi çalakîya grevê veyşanî kerd..
Badê des rocan komêka bîne çalakîy dewr girewt..
Çalakîya tepişteyan kewta 42 rocan û komêka bîne çalakîye dewr girewt.
Tepişteyanê ke çalakîye dewr girewta nameyê înan,Mahsum Değer, Mehmet Duran, İzbat Orhan, Egit Selman, Naci Erkol, Devrim Aşkan, Divali Acar û Nazmi Aydın o.
Waştekê tepişteyanê zîndanê Tîpa F ya Wanî enîyê;
1-Gere Tepişteyê sîyasî yê ke komanê sîyasîyan ra ameyê îzole kerdiş,bêrê pêhete..
2- Gere telêke erzîyayê ser cayê hewagirewtişî bi wedarîyê..
3-Gere wextê pêdîyişan de sehnayişo bi keyfî bi wedarîyê..
4- Gere îdare radyoyanê tepişteyan apey bidê tepişteyan..
5- Gere wextê hewagirewtişê Tepişteyanê ke cezaya hefsî ya Muebete ya girane girewtê derg biba..
6- Gere tepişteyê sîyasî û yê bînî eynî korîdare de nêmanê..
Tepişteyê sîyasî vanê ney waştekê ma heme însanî û heqê merdimayî yê. Heta waştekê nêrê cda,mado xoverderîya xo bidomni..
