Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Hukumeta Alman bi êrişa ser komeleya Kurd peyama piştgiriyê da hukumeta Tirk

 

LI NURNBERGÊ, POLÎS AVÊT SER KOMELEYA KURD
HUKUMETA ALMAN BI ÊRIŞA SER KOMELEYA KURD PEYMANA PIŞTGIRÊ DA HUKUMETA TIRK

Di nava heftê de piştî Wezîrê Karê Derve yê Tirk Mevlût Çawîşoglû çû serdana Berlînê, polîsên Elman li Nurnbergê avêtin ser Mala Gel a Medya û lêgerîn pêkanin.

Polisên Alman derî û pencere şikandin li hundir hertişt serûbin kirin.

Di dema lêgerînê de dest danîn ser amûrên buroyê û telefonên destan.

Her wiha polîsan bi awayeke hemwext avêtin ser mala Hevseroka Komeleyê Makbûle Kartal û dest danîn ser kompîter, telefon, kamereya dijîtal û bexşînên ku ji bo ji bo mexdûrên vîrûsa koronayê hatibûn amadekirin.

Federasyona Civakên Kurdistanî yên Eyaleta Baden-Wurtemberg û Bayern bi daxuyaniyekê helwesta polîsên Elman bi tundî rexne kir û got; Ev serdegirtin piştî serdan wezîrê tirk Çawîşoglû ya Berlinê pêk hatiye. Em ji hukumeta Alman dixwazin Kurdan neke qurbanê berjewendiyên xwe yên bi Tirkiyê re.

LI NURNBERGÊ, POLÎS AVÊT SER KOMELEYA KURD
SAZÎ Û KOMELEYÊN KURD Û ALMAN ÊRIŞ KERMEZAR KIRIN

Ji aliyê din ve, gelek sazî û dezgehên Kurd û Alman li pêşiya komeleyê hatin cem hev û ev siyaseta Alman ya kirîmînalizekirina Kurdan protesto kirin.

KON-MEDê jî bi daxuyaniyekê bang li hukumeta Alman kir ku rê li ber xebatên çandî û civakî yê gelê Kurd negire.

Di banga Kon-Medê de tê bibîrxistin ku hemû komeleyên girêdayî Federasyona wan tev legal in û wiha tê gotin:

Em bi ti awayî qebûl nakin ku hêzên polis bi awayeke korsanwarî bavêje ser komeleyên me.

Divê edî Almanya li hemberî kurdan dev ji rêbazên dewleta tirk berde û rêyên qanûnî û diyalogê hilbijêre.

Ev jî hatin dîtin

Rêveberiya Xweser ji bo berdana nûnerên xwe bang li hikûmeta Başûr kir

Stêrk Tv

Pêşmergeyê dêrîn Mam Salih Gurî Espî: ‘Dewleta Tirk bi hevkariya PDK’ê dikeve Başûrê Kurdistanê’

Stêrk Tv

Li dijî Tevgera Azadiyê lîstikên qirêj

Stêrk Tv

HPG: ‘Li Avaşînê 3 dagirker hatin cezakirin’

Stêrk Tv

HPG’ê bersiv da asayîşa herêma Kurdistanê: ‘Şerm ez ku hûn ji kesekî bêexlaq bawer dikin û hêviyan dikin’

Stêrk Tv

Gulistan Çiya Îke: ‘Kurd di demeke dîrokî de ne’

Stêrk Tv
× Me agahdar bikin!