Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Koma dostaniya kurd ji bo Şengalê bang kir 01.04.2021

 

“RÊVEBERIYA ŞENGALÊ NAS BIKIN”
KOMA DOSTANIYA KURD JI BO ŞENGALÊ BANG KIR

Ji bo betalkirina peymana 9’ê Cotmehê berxwedan dewam dike.

Gelê kurd û dostên xwe ji bo xweswerî û xweparastina Şengalê li cîhanê were naskirin di nava hewldanan de ne.

Koma Dostaniya Kurd a Parlemena Ewrûpayê jî ji bo şengalê ket nava tevgerê.

Endamên Koordînasyona Koma Dostaniya Kurd a Parlamenta Ewropayê François Alfonsi, Andreas Schieder û Nicolaj Villumsen bi nameyekê, têkildarî rewşa Şengalê hişyarî dan.

Name ji Sefîrê Bilind ê Iraqê yê li Yekitiya Ewropayê Sadiq Alrikabi, Seroka Delegasyona Parlamenta Ewropayê ya Têkiliyên bi Iraqê re Sara Skyttedal û Raportorê Iraqê yê Parlamenta Ewropayê Mick Wallace re hate şandin.

Di nameyê de fermanên bi serê Şengalê de hatine bi bîr xistin û hat destnîşankirin ku piştî Fermana 3’yê Tebaxê jiyaneke bi ewle ji bo Êzidiyan gelekî girîng bûye.

Di nameyê de hatiye gotin ku daxwazên hikumeta Iraqê yên ji bo betalkirina rêveberiya xweser a li Şengalê li dijî demokrasiyê ne.

Komê diyar kir ku di Fermana 3’yê Tebaxê de rasterast berpiryariya PDK’ê heye û Êzidî bi tu awayî PDK’ê weke nûnerê xwe nabînin.

Komê di nameyê de xwest Şengal bibe herêmeke xweser û ev xweserî jî destpêkê ji aliyê Iraqê ji aliyê hemû cîhanê ve were naskirin.

Ev jî hatin dîtin

Rojnamevan Denîz Aydin rewşa dawî ya şerê li Başûrê Kurdistanê ragihand

Stêrk Tv

Fermandariya Biryargeha NPG’ê şehîdên meha Gulanê bi daxuyaniyekê bi bîr anîn

Stêrk Tv

Ciwanên Welatparêz li ser êrişên dewleta Tirk bang li gelê Başûr kir

Stêrk Tv

Li Amedê dêra Surp Sarkîs: Dîroka 500 salî li ber hilweşînê ye

Stêrk Tv

Îbrahîm Êzidî: Helwesta Iraqê beramberî Rêveberiya Xweser

Stêrk Tv

Nûrettîn Demirtaş: Pêşengiya gel wê pêvajoyê diyar bike

Stêrk Tv
× Me agahdar bikin!