Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Tayîp Temel: Konsepta 2010’an û êrişa li dijî PKK’ê

 

TAYÎP TEMEL / WELAT
KONSEPTA 2015’AN Û ÊRIŞA LI DIJÎ PKK’Ê

Dewleta tirk di halê heyî de li 3 parçeyên Kurdistanê bi hemû hêz û derfetên xwe, bi balafir û tang û topên xwe, bi çeteyên xwe, bi artêşa xwe şerekî giran, piralî û sîstematîk li dijî kurdan dide meşandin. Di nav hefteyekê de li Rojava êrîşî Minbic, Eyn Îsa û Şêrawa ya Efrînê, Li Başûr êrîşî Mexmûr, Avaşîn, Zap, Metîna û li Bakur li Amed, Bilîs, Wan, Colemêrg û Şirnexê gelek operasyonên leşkerî li dar xist.

Ev êrîşkarî bi awayekî sîstematîk hem li dijî ekosîstema Kurdistanê hem jî li dijî hebûna kurdan tê meşandin. Li hersê parçeyan jî armanc têkbirina dînamîzm û paradîgmaya şoreşgerane û welatparêz e; çimkî ji bo wan hêza ku hesabên wan xerab dike û planên wan ên dagirkerî û mêtingeriyê tarûmar dike Tevgera Azadiyê ye.

Di vê konseptê de hem rizaya NATO û hêzên navneteweyî û hem jî hevkariya hin alî û hizbên kurd ên wek KDP’ê heye. Hevkariya KDP’ê, kerr û korbûna YNK û Gorran, bêdengiya hizbên Îslamî yên wek Yekgirtû û Komala û piştgiriya Hikûmeta Bexdayê vê rastiyê nîşan dide: ev êrîşkarî û dagirkerî li ser konsensûseke piralî tê meşandin.

Dewleta tirk, li 3 parçeyan bi awayekî topyekûn şerekî konvansiyonel dide meşandin, lê Başûr di halê heyî de bûye wek navenda şer a îro. Nemaze piştî 2015’an di çarçoveya konsepta şer a nû de, armanc hem fetisandina şoreşa Rojava, hem têkbirina destkeftiyên Bakur, hem jî dorpêçkirina axa Başûr bû. Ji bo wê jî ev 6 sal in, gav bi gav, qedeme bi qedeme dixwazin qadên parastinê dorpêç bikin, danûstandin û têkiliya di navbera kurdan de qut bikin. Dixwazin Qendîlê dagir bikin, serkeftina xwe ragihînin û hêvî û daxwaza azadiyê ya gelê kurd bifetisînin.

Dewleta tirk ji sala 1983’an vir ve li ser axa Başûr bi heman armancê êrîşkariya xwe didomîne. Di encama êrîş û operasyonên 38 salan de heta niha xisareke mezin li gelê kurd û li axa Kurdistanê hatiye dayîn. Bi sedan gund hatine valakirin, bi hezaran kes ji axa xwe hatine koçberkirin.

Êrîşên li ser Başûr ji sala 1983’an vir ve bi awayekî nîzamî û sîstematîk tên domandin, lê di 6 salên dawî de ev êrîş êdî tu sînorên mirovî nas nake. Çiya, daristan, gund, bajar û hemû ekosîstema Kurdistanê tê bombebarankirin. Bi sedan binkeyên leşkerî tên avakirin, dar tên birrîn û rê tên çêkirin û dest bi talan û tartaleyeke nedîtî hatiye kirin.

Ev jî hatin dîtin

Koçberên li Rojavayê Kurdistanê: Hêjmara koçberên navxweyî û derve derdora milyon û nîv e

Stêrk Tv

Hevserokê YNK’ê Lahor Şêx Cengî: ‘Nabe pêşmerge ji bo ti kesan biçe şerê birakujiyê’

Stêrk Tv

Êrişkarê avahiya HDP’ê: ‘Min plan kiriye gelek rêveberên din yên HDP’ê bikujim’

Stêrk Tv

Di nava 12 rojan de 8 sivîl li Efrînê hatin kuştin

Stêrk Tv

Dewleta Tirk ava çemê Firatê qutkiriye: Kêmbûna avê jiyana bi milyonan kesî dixe xeteriyê

Stêrk Tv

Bûyera Metîna ya 5’ê Hezîranê: Ji ber çi daxwaza PKK’ê ya lêkolînê bê bersiv hate hiştin?

Stêrk Tv
× Me agahdar bikin!