Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçe Jin Nûçeyên Dawî

Verva êrîşê qirkerdîşê sîyasî Vakurê Kurdistanî de û Tirkîya de çalakîy amey rodarvistene 06.04.2021

 

ÊRÎŞÊ VERVA SAZÎYANÊ CÎNÎYAN AMEY ŞERMEZARKERDIŞ
DI ÇALAKÎYAN DE PEYAMÊ VERVA FAŞÎZMÎ BERZKERDIŞÊ TEKOŞÎNE AMEY DAYENE

Bi telîmatê Serdozgerê Amede verva Komeleya Cînîyan Rosa êrîş amebi destpêkerdiş.

Di êrîş û cisereştişê polîsan de 22 cînîy amebîy binçimkerdene.

Di mîyanê binçimkerdeyan de Hemseroka Komeleya MED DER’e Şîlan Elmas Kane zî este bî.

MED DER’e bi çalakîyêke êrîş şermezar kerd.

Aktîvîstê TJA, HDP, DBP, Komeleya Cînîyan Rosa, Komeleya 78’an û Rayirber û Endamê MED- DER’e tewrê çalakîye bîy.

Di çalakîye de rayirbera MED-DER’e Dîlan Guvençe qisey kerd û bale ante zêdîyayişê êrîşanê verva cînîyan ser û vat,

Nêy operasîyonî hetê dewleta bi ferasetê camêrdanyî ra yenê pêkardene.

Wazenê bi nêy êrîşan cînîyan bêveng bikerê, la wa her kes bizano ke ma nêy êrîşan ra nêtersenê û tekoşîna xo ra fek vera nêdanê.

MARDİN

Mêrdîne de zî aktîvîstanê TJA bi eşkerayîyêke êrîşê verva Komeleya Cînîyan Rosa şermezar kerd.

Eşkerayî awanîya HDP ya Mêrdînî de amî rodarvistene.

Çalakîya şermezarkerdişî de aktîvîsta TJA Eylem Amake qisey kerd û nêy vatîy.

Îqtîdarê AKP-MHP verva cînîyan şerr dayo destpêkerdene.

Îqtîdar her roce verva cînîyan polîtîkayê cîyayan fîneno dewreye.

Îqtîdar tekoşîna cînîyan ra terseno û wazeno înan bêveng bikero.

Amake veng ro îqtîdarî kerd û vat;

Şima bi binçimkerdiş û girotişan nêşikenê cînîyan bêveng bikerê.

ANKARA

Bi heman mexsedî Enqera de zî Platformê Cînîyan yê Enqera eşkerayîyêke da.

Eşkerayî Sendîkaya Kedkaranê Buro de amî pêkardene.

Nameyê Platformî sero Ebrû Ozere qisey kerd û êrîşê verva Komeleya Rosa şermezar kerd.

Batmane de zî aktîvîstanê TJA û Meclîsa Cînîyan ya HDP bi eşkerayîyêke êrîş şermezar kerd.

Eşkerayî awanîya HDP ya Bajarî de amî pêkardene.

Hemseroka HDP ya Batmane Fatma Ablaye di eşkerayîye de qisey kerd û nêy vatîy.

Îqtîdarê AKP-MHP, heme qadan de êrîşê cînîyan keno.

Nêy polîtîkayê dişmentîye vernî bi tecrîd dime ra zî bi êrîşan yenê domnayene.

La tu êrîş û zextêke ma tekoşîna ma ra game apey nêdana eştişî.

Ev jî hatin dîtin

Şaredariya AKP’ê dixwaze gelê Rişmilê warê xwe terk bike 10.04.2021

Stêrk Tv

Di nava 10 rojan de di operasyona ewlehiyê ya li Kampa Holê ji 150 zêdetir çeteyên DAIŞ’ê hatin girtin 10.04.2021

Stêrk Tv

Xebatên rizgarkirina jinên Êzidî: Çarenûsa hezar û 190 jinan nayê zanîn 10.04.2021

Stêrk Tv

Çeteyên dewleta tirk a dagirker li Efrînê 2 kes revandin 10.04.2021

Stêrk Tv

Li zindana Şirnexê 3 girtî hatin sirgûn kirin 10.04.2021

Stêrk Tv

Berxwedana girtiyên azadiyê 135 rojê xwe tijî kir 10.04.2021

Stêrk Tv
× Me agahdar bikin!